Nyumbang cerita Bos, ane tinggal di kampung rambutan jakarta timur, jaman ane kecil masih banyak sawah ama empang tuh, blom lagi kalinya juga masih bersih! skarang mah udah berobe semue, kali udah item isinya paling2 ikan sapu2 ama cere.Dulu kegiatan ane pulang sekolah engga ade laen tuh selaen mancing, kebetulan babe jg kedoyanannya nyari ikan. modal kenur sama pancing cap kunci udah enjoy nongkrong dipinggir kali, sawah atawa empang.nyisihin duit jajan beli kenur panjang paling2 2 meteran, pancing cap kunci no 14-15 kalo engga salah, timah pemberatnya pake bekas kemasan balon2an karet tuh. plampungnya bikin pake sendal bodol, sip dah tinggal ngorek2 got nyari cacing sama ga'ang (orong2). kalo mau mantep lagi pake terkelak (kecoa yg kagak bisa gede yg warnanya item2) di pojokan dapur.
Dulu kalo mancing dikali pulang pasti bawa ikan,kalo engga belut. Ikan nyang sering kena pancing misalnye gabus, abangnye betik, betok, tawes, lele lokal, Lundu ( kayak ikan patin cuma kagak mau gede. paling gede 30 cm),mujaer batu, moa atawa belut berkuping, wader, trus sejenis tawes tapi badanya mirip bandeng ane lupa namanye. Kadang ane jale(jaring) ikan. dulu ane kecil udah bisa nébar jala, biasanya kalo abis banjir ikan di kali banyak bener, ikan2 lepasan dr empang, kayak tembakang, mujaer, gurame sama ikan mas.Wah emang nyenengin banget jaman ane kecil, sayang skarang tinggal kenangan, kali nyang dulunye bersih udeh item, empang2 dan sawah udah jadi bangunan. kesianan generasi skarang kagak kebagian, dulu nyang namenye banjir cuma 4 taon skali, skarang amping tiap taon banjir gare2 kali makin menyempit trus dibuangin sampah, empang2 dan sawah nyang jadi resapan aer juga kagak ade lagi.
Eh...bujug dah kepanjangan ane nulis yak? maap ye...abis ane esmosi liat kerusakan lingkungan. Tabek Bos...salam mancing