FishyForum - View Single Post - Pekayon depan Kampus mercu buana 02/12/2007

evon212 · #1 (**permalink**) 03-12-2007, 09:29

Tukang Mancing : Evon, Abang Ipar , Ramon(Sohib) & Keponakan

Lokasi : Empang2 liar ,Pondasi rumah & samping gereja nyang kalo lagi musim ujan begini banyak ikannye ,Kampung pekayon Joglo Deket kampus Mercu buana
Empan : Cacing Susu, cangcilung & Jangkrik
Palesan : 2 Tegek Gin-ei ,1 tegek exori & 1 reel ame Joran nyang dah lumutuan karena jarang kepake
tanggal : 02/12/2007
Target : Betok ,Betik & Gabus
Hasil : 5 betok, 18 betik & 1 gabus 1 jengkal setengah

Dikarenakan niat mo mancing ke P.UJ gagal Karena pas pagi udah di sambut ujan melulu, ame semalem nye abis begadang maen gaplek di depan rumah tetangge nyang sedang hajatan ampe jem 2 pagi

Kebetulan ade Abang Ipar di rumah lagi nginep ,emang dah janjian mo berangkat ke P.UJ paginye buat acara garong lingkis dan tompel.
tapi ape mo dikate tai kucing bulet-bulet di injek lembek-lembek abang ipar ngambek mo ngajak mancing juge..

akhernye kepikirin ikan betok...! yess ikan betok dah lame nggak mancing ikan betok ,kebetulan kecil dulu suke mancing ikan di daerah pekayon , berangkat pada Lohor dari rumah 4 orang abang ipar ,Ramon (sohib) dan Keponakan ,mampir dulu pertigaan rebelong buat beli empan jangkrik & cangcilung,langsung bablas kearah pekayon,depan kampus mercu buana beli cacing susu 2 kaleng kecil IndoMilk

Langsung kelokasi samping gereja , mayan banyak ngomset disini,terus aye & keponakan muter muter kelokasi bekas empang pinggir jalan dan pondasi rumah ,Keponakan narik gabus 1 butir di bekas empang pinggir jalan pake umpan jangkrik

Huehehehehe sedep juge narik betok pake tegek , plampung langsung di bawe selem,gentak langsung keangkat ikannye sukses ikannye terbang melayang-layang diudara ...ngge betok ato betik semuenye bikin selem plampung bulet kecil seukuran jari kelingking ...Galak Banget pake Cangcilung.. pake Cacing Susu diketul2 doang ame ikan cupang sawah dan Ikan Sepat

Jem 5.30 sore dah balik , Ngitung ngitung dirumah hasilnye 5 betok, 18 betik & 1 gabus 1 jengkal setengah huehuehehehe lumayan.. goreng kering tutulin kecap yang di campur cabe & bawang dan nyang lebih penting Abang Ipar kage Jadi ngambek...

Kage ade photonye.. Hp aye lagi rusak ampe sekarang belon bener...